Серафим ПОПОВ

ПОЕЗД  МУНЌ  КИЕВЌ

Петќ Москваысь войын

Киевлань тќвзьысь поезд.

Виччыся буретш сiйќс,

Пукала,

Ог тай узь,

Ньќбќм билетќй киысь

Пола, мед оз жќ усь.

Меным мќй, сiдзкќ шуны,

Нуќмысь сетны дон?

Эз ќд на, чайта, вунќд

Зэв лќня кывтысь Дон;

Днепр бердса важ блиндажќй

Паметьысь эз на быр,

Эз ќд на вывтi важќн

Гымав сэн война ныр.

Ой, Украина-муќй,

Коляс кќть унджык во,

Некор, ме сёысь шуа,

Ылысджыкќн он ло!

Коркќ мќй муслун куслќ,

Кќдзалќ, кыдзи гор?

Днепр вќсна косьын уси

Медмуса менам ёрт.

Помнита ставсќ бура,

Дойдны важ дой ог сет!..

— Могтќгыд, дзормќм юра,

Гортсьыд тэ эн жќ пет?..

Висьтасьны, дерт нин, корас

Зон либќ мича ныв.

Некод жќ сэк оз орќд

Дженьыдик воча кыв:

— Кевмысьны енлы важќн

Киевќ ветлiс дед.

Пода туй эз кќть гажќд,

Шудлунсќ ен эз сет...

Юрбитiс Лавра выло

Пармаысь воќм морт.

Кольлiссќ сэсся сылы

Сќмын нин гу да горт...

Киевлань туй жќ кута,

Сќмын тай могќй мќд:

Окавны кќсъя мусќ,

Кодi быд муысь рќд...

Петќ Москваысь войын

Киевлань тќвзьысь поезд.

Виччыся буретш сiйќс,

Пукала,

Ог тай узь...

Сьыланкыв, сiдзкќ, миян

Туйсьыс на лоас кузь!